د تأسیس کال ۲۰۱۷، د افغانستان د مدني ټولنو د انسټیټیوټ پواسطه د تصدیق شویو مدني ټولنو د بنسټونو کاري ګروپونه د افغانستان د مدني ټولنو د انسټیټیوټ پواسطه د تصدیق شویو مدني ټولنو د بنسټونو یوه شبکه ده چې موخه يې د مدني ټولنې له اړونده ادارو سره د هغو د نښلولو او ښکیلولو پواسطه د دغو سازمانونو د مؤثریت د کچې لوړول دي ترڅو دوامداره او ګټور متقابل عمل ولري، متقابلې زده کړې او شبکې جوړونې کې ونډه واخلي او د شراکت فرصتونه رامنځ ته کړي. کاري ګروپونه کلنۍ غونډې لري پداسې حال کې چې د هغو د رهبرۍ کمیټې هر درې میاشتې وروسته غونډې ترسره کوي. په ۲۰۱۸ کال کې، د تصدیق شویو مدني ټولنو د بنسټونو د کاري ګروپونو په غونډو کې د مدني ټولنو ۴۶ بنسټونو ګډون کړې وه. یادو غونډو کې د تصدیق شویو مدني بنسټونو او د هغو د د کاري حوزو ترمنځ د همغږۍ د کچې د لوړولو د میکانیزمونو په شمول د مدني تولنو اړوند مختلفو موضوعاتو په اړه بحث وشو.