د ۲۰۱۸ کال د SEECA د راپور له خپرولو وروسته، د افغانستان د مدني ټولنو انسټیټیوټ د مدني ټولنو د بنسټونو او اړونده دولتي سازمانونو په ګډې مرستې سره د SEECA د تعقیب کمېټې تأسیس او د ۲۰۱۷ او ۲۰۱۸ کال د SEECA د لاسته راوړنو او سپارښتنو په اړه د بحث لپاره یې ځنې جلسې دایر کړې. دغه جلسې به د افغانستان د مدني ټولنو بنسټونو ته فرصت برابر کړي ترڅو د SEECA پواسطه تشخیص شویو ننګونو او فرصتونو په اړه چې افغانستان کې د مدني ټولنو بنسټونه تراغیزې لاندې راولي، سره بحث او مناقشه وکړي او د اړونده سپارښتنو د عملي کولو لپاره ځنې تګلارې وپلټي. په کابل کې د تعقیبي کمېټې سربېره، د افغانستان د مدني ټولنو انسټیټیوټ ورته کمېتې په هرات، بامیان او بلخ ولایاتو کې هم تأسیس کړیدي. د نوموړو ولایاتو د مدني ټولنو استازي د اړونده کمېټی د غړو له ډلې څخه دي.

موخې

• د ۲۰۱۷ او ۲۰۱۸ کال د SEECA د مهمو لاسته راوړنو او سپارښتنو په اړه د مدني ټولنو د بنسټونو، د اکاډمېو د غړو او متخصصینو تر منځ د ګټورو خبرو اترو د شراېطو برابرول.
• د پوهې او یادو شوو لوستونو شریکول ترڅو له کمیټې سره د ننګونو او د هغو د اړونده سپارښتنو د لومړیتوب په ټاکلو کې مرسته وکړي او د ننګونو د حل او سپارښتنو د تطبیق لپاره ځنې ستراتیژۍ را منځ ته کړي.
• د لومړیتوب د سپارښتنو پیژندل او د SEECA د تعقیبي کمېټې همغږي کول ترڅو ترټولو ښې سپارښتنې د یوې هڅې په توګه په ګډه سره تطبیق او د مدني ټولنو د بنسټونو لپاره یو اغیزمن چاپيریال رامنځ ته شي.